Tuesday, November 10, 2020

كراش وحيد لعام 28

        فى أخر 2019 كنت بعمل الyearly resolution لحياتى ولقيت إن كفاية dates وعلاقات عابرة بتخلص مجرد ما بتبتدى، أنا فعلاً محبتش حد من زمان وكفاية محاولات سايقاها الرغبة والشعور أنى بعمل اللى المفروض أعمله فى سنى، قررت إن 2020 هتكون من غير dates ولا علاقات، عايز أوسع دايرة صحابى وأعرف ناس جديدة وأستمتع بحياتى من غير ما أقنع نفسى إن ناقصنى حاجة لمجرد أنى مش مصاحب.

وفعلاً ده اللى عملته فى 2020 أتعرفت على ناس جداد وسافرت وخرجت وشربت حاسس إن روحى خفيفة وحياتى مش ناقصها حد من برا يكملها، كان شعور بالحرية المطلقة...

لغاية ما قابلتها فى النص التانى من السنة، أول حاجة حسيتها إن She is one of us، مش عارف us دول مين بالظبط بس هى مننا كده، تشوفها تقول إنها معانا مش معاهم، ومتسألنيش هم مين برده

الأول حاولت أنكر ومهتمش، عايز حياتى تكون من غير تفكير فى بنات السنة دى زى ما أنا مقرر. بس لقيت نفسى ببتسم ببلاهة لما أشوف أسمها فى النوتفيكشنز أو أفتكر تعليق ذكى منها على قضية معينة أوبتضحك على ميم أنا ناشره أو لما ببص فى عنيها وهى بتتكلم، لاقيتنى بغير إن حد قابلها وأنا لأ، لقيتنى بتسحل كأن عندى 16 سنة...

أبتديت أعترف أنه crush وقررت أطلق العنان للمشاعر المراهقة المكبوتة ديه، أنا محستش بكده من سنين فعلاً. بيبقى جميل الأنسان لما بيحب، بيحس أنه طاير وبيوزع positive energy على الحياة حواليه، بيحس إنه مراهق مش مستقر كلمة تجيبه وكلمة توديه، بيعند مع كل الناس بقاله شهور عشان ميحلقش شعره وفجأة ينزل يحلقه عشان يقابلها، يمكن لما بقابل حد كده بشوفه cheesy بس حلو إن الواحد يبقى cheesy من وقت للتانى برده.



وشوية ولقيت إن الموضوع أكبر من مجرد كراش، ولما حاولت أفكر بعقلى زى ما كنت بعمل زمان لقيت أنى مهتم بطريقة مختلفة وأبتدى أوبشن الأستقرار يلوح من بعيد اللى عمرى ما تخيلت أنى هفكر فيه قبل التلاتين، أحا أنا بقيت ناضج كده إمتى لا أنا عايز أكمل مع المراهق اللى فات شوية

ميكس المشاعر الغريب ده اللى فيه حاجات بفكر فيها لأول مرة وحاجات محستهاش من زمان خلانى أستغرب من قدرة الأنسان على الحب فى إى وقت ومهما كان فاكر إنه مكتئب ومش مستقر ومشاعره ماتت، الحب فعلاً قوى كالموت زى ما قال يسوع.

وككل شيء بيبدأ فى الصيف بينتهى فى الخريف، الموضوع باظ للأسف وهقعد فترة أتجاوزه بس فى المجمل أنا سعيد بتجربة عامى ال28، سواء الزهد عن العلاقات فى أوله أو المشاعر الحلوة اللى لقيتها فى أخره اللى علمتنى ماخفش من ال30 اللى بتقرب وأنى هفضل شباب دايما دول ما بقدر أحب...

Monday, May 1, 2017

بمناسبة زيارة بابا الفاتيكان، ماذا تعرف عن طوائف الكاثوليك فى مصر


فى عام 451م حدث الأنقسام الأكبرفى العالم المسيحى بسبب الخلاف فى مجمع خلقدونيا والذى بسببه قُسم المسيحيون إلى أرثوذوكس فى الشرق وكاثوليك فى الغرب. وظلت مصر حتى القرن السابع عشر تحتوى على مسيحيين أرثوذوكس فقط مقسمين عرقياً إلى طائفتين: أقباط وروم.
ثم بدأت الكنيسة الكاثوليكية ترسل أرساليات تبشير إلى الشرق، تحول بسببها الكثير من الأرثوذوكس إلى الإيمان الكاثوليكى مع المحافظة على طقوسهم الشرقية فى الصلاة، نتيجة هذة الأرساليات والهجرات التى حدثت فى الشرق فى القرن التاسع عشر والعشرين أصبح فى مصر سبع طوائف مختلفة عرقياً تتبع الكنيسة الكاثوليكية فى روما بخلاف الأرساليات...
نحاول هنا التعريف بالطوائف الكاثوليكية المختلفة مع العلم إن الكاثوليك فى مصر هم أقل مجموعة مسيحية بالرغم من تعدد طوائفهم.

الأقباط الكاثوليك
الأقباط الكاثوليك هم المسيحيون المصريون الذين قرروا ترك إيمانهم الأرثوذوكسى والانضمام للكنيسة الجامعة بروما مع المحافظة على الطقس واللغة القبطية فى الصلاة. وهم بطبيعة الحال أكبر الطوائف الكاثوليكية فى مصر.
تنتشر كنائسهم فى أغلب نواحى مصر، ويترأسهم البطريرك أبراهيم أسحق. ومن هذة الطائفة الكاردينال المصرى الوحيد الأنبا أنطونيوس نجيب الذى كان مرشحاَ فى الأنتخابات البابوية الأخيرة التى فاز بها البابا فرانسيس.

الروم الكاثوليك
الروم الملكانيين الكاثوليك، وهم أحفاد الروم الذين ظلوا بمصر والشام بعد الفتوحات الأسلامية وتحول بعضهم لاتباع الكنيسة الكاثوليكية مع الحفاظ على الطقس البيزنطي.
أغلب الطائفة فى مصر ينحدر من أصول شامية، ويرأسهم فى الشرق البطريرك جريجوريس لحام الثالث وينوب عنه فى مصر المطران جورج بكر، ويقع مقر البطريركية فى كاتدرائية القيامة بحى الضاهر.

الأرمن الكاثوليك
الأرمن تواجدوا فى مصر منذ فترات تاريخية بعيدة ترجع للعصر الفاطمي لكن تواجدهم زاد أيام الحرب العالمية الأولى هرباً من البطش العثماني ومذابح الأرمن.
أغلبية الأرمن المصريين أرثوذوكس لذلك فطائفة الأرمن الكاثوليك صغيرة مكونة من أربع كنائس، ثلاث بالقاهرة وواحدة بالأسكندرية، يترأسهم فى الشرق البطريرك كريكور بيدروس جبريان العشرين وينوب عنه فى مصر المطران كريكورأغسطنيوس، ويقع مقر البطريركية فى كاتدرائية سيدة البشارة بشارع صبرى أبو علم بوسط البلد.

السريان الكاثوليك
وهم من طائفة السريان ذات الأصل السورى الذى قرر بعضها الأنضمام للكنيسة الكاثوليكية، وهى طائفة ليست ذات انتشار واسع فى مصر، لها ثلاث كنائس: أثنان فى القاهرة وواحدة فى الأسكندرية، ومقر البطريركية فى حى الضاهر.

الكلدان الكاثوليك
وهم الطائفة الوحيدة التى لم تكن أرثوذوكس قبل تحولها للكنيسة الكاثوليكية ولكن كانت تتبع كنيسة المشرق القديمة، أغلب الطائقة من أصل عراقى و لها ثلاث كنائس: أثنان فى القاهرة وواحدة فى الأسكندرية، ومقر البطريركية فى حى مصر الجديدة، ولها كنيسة فى حى الضاهر الذى يجمع أغلب الطوائف الكاثوليكية فى القاهرة.

المارون الكاثوليك
الكنيسة المارونية السريانية الأنطاكية الكاثوليكية، وهى كنيسة لبنانية أنشقت عن الكنيسة السريانية ولها تأثير كبير فى السياسة اللبنانية أيام رئيسها السابق البطريرك صفير.
أغلب أتباعها فى مصر من أصل لبنانى ولها عدت أنشطة خيرية مثل المدارس والمستشفيات، يترأسها البطريرك بشارة الراعى وينوب عنه فى مصر المطران جورج شيحان، ومقرها بالضاهر.

اللاتين الكاثوليك
وهى الكنيسة الكاثوليكية الوحيدة التى تتبع الطقس الرومانى أو الطقس الأصلى للكنيسة الكاثوليكية وليس إى طقس شرقى مثل باقى طوائف الكاثوليك، هذة الطائفة تتكون من الكاثوليك الأجانب والمصريين الذين أختاروا تلك الكنيسة التى لا تتبع عرق بعينه.
ينتمى لها كنائس الأرساليات والرهبانيات، ومن أشهر كنائسها البازليك بمصر الجديدة وكاتدرائية سان جوزيف فى شارع محمد فريد بوسط البلد.

الأرساليات والرهبانيات
بجانب الطوائف الكاثوليكية يوجد العديد من الرهبانيات والأرساليات الكاثوليكية فى مصر والتى تتكون من رجال دين ورهبان يقومون بالخدمة فى مصر وأنشأوا بها العديد من المدارس التى تقبل المصريين بمختلف انتمائهم، وتنقسم هذة الرهبانيات إلى رجال وسيدات، نذكر أهمها.

رهبانيات رجالية
اليسوعيين: الرهبنة التى ينتمى إليها البابا فرانسيس. أهتموا بالتعليم والفن، أنشئوا فى مصر مدارس ومسارح تحمل أسمهم "الجيزويت".
الدومنيكان: الذين تتسمى بهم دولة الدومنيكان فى البحر الكاريبى. لهم مكتبة شهيرة فى حى العباسية.
الفرنسيسكان: الرهبنة التى أنشئها القديس فرانسيس الأسيزى الذى زار مصر عام 1219 ليدعو للسلام وتوقف الحروب الصليبية وزار الملك الكامل الأيوبى زيارة شهيرة قام بعدها الملك الكامل بتسليم القدس للصليبيين بعد أن أستردها عمه صلاح الدين ، ومنه يتخذ البابا فرانسيس أسمه. لهم العديد من المدارس فى مصر خاصة فى الصعيد.



رهبانيات نسائية
القلب المقدس: لهن العديد من المدارس فى مصر.
الفرنسيسكانيات: وهن الرهبنة النسائية من رهبنة الفرنسيسكان وينقسمن لعدة رهبنيات، وإيضاً لهن عدة مدارس خاصة فى الصعيد.

البابا فرانسيس


تتبع كل تلك الطوائف والرهبانيات الكنيسة الكاثوليكية أو الكرسى الرسولى بالفاتيكان وهو دولة مستقلة تقع داخل مدينة روما الإيطالية ويحكمها البابا فرانسيس حكم مطلق ويعاونه مجلس الكرادلة.
تولى البابا فرانسيس سدة الكرسى الرسولى فى مارس 2013 بعد أستقالة البابا بنديكت السادس عشر، ويعد البابا فرانسيس صاحب الثمانين عاماً البابا رقم 266 للكنيسة، وهو أول بابا أرجنتينى –ومن الأمريكتين بوجه عام- وإن كانت له أصول إيطالية، وإيضاً أول بابا من رهبنة الجيزويت. وسعى منذ توليه الحكم إلى الدعوة للسلام والتسامح مع الجميع مما رفع شعبيته خارج حدود الكنيسة الكاثوليكية.

المصادر

Tuesday, June 9, 2015

ربع براندى ... قصة قصيرة



يسألنى عمرو وعواصف ديسمبر تضرب أبواب الحانة الخشبية:
"نجيب 2 ستلا كمان؟"
"هات، شكلها ليلة طويلة، المطرة مبطلتش من العصر وشوارعنا بتغرق فى شبر مية!"
فينده النادل العجوز الجالس بجوار المذياع يسمع أم كلثوم تشدى بأن هذة ليلتها التى حلمت بها طوال حياتها:
"2 ستلا يا عم بطرس، وطبق ترمس"
ثم يلتفت إلى وأنا أرتجف من برودة الشتاء ومن أشياء أخرى...
"أيقتلك البرد؟!"
"بل يقتلنى نصف الدفئ ونصف الموقف أكثر!"
ثم ننفجر فى الضحك، لطالما أرتبطت قصائد مظفر النواب الثملة بجلسات الخمر فى حانات وسط البلد...
جو مثقفي وسط البلد الذى تعرفنا عليه مع بداية الثورة وأنغمسنا فيه حتى النخاع بعد أن حدث ما حدث!
يأتى بطرس ليضع الزجاجتين الذين تزينهما النجمة المحببة وطبق الترمس وينصرف وهو يشدو مع الست التى تطلب منه كأسا مملوءًا بالغرام، ينظر لى عمرو  وأنا أمسك زجاجتى بيد مترجفة:
"اللى يشوفك بتبص لستلا كده يقول أنك عايز تنام معاها" ويضحك منتشياً
"يا حمار، ستلا هى باقيلنا..." ثم أقبل الزجاجة على رقبتها وأجرع منها جرعة ضخمة قبل أن أصب الباقى فى كوب وأعصر عليه بعض الليمون!
"الجنرال أستغل المحلات المقفولة فى رمضان وغلاها تانى!"
"العرص بيلعب إن الخمرة والسجاير مش مقبولين ومحدش هيعرف يعترض"
"يعنى حد كان عرف يعترض على الدم والأعتقالات والبنزين لما هنعترض على الخمرة ولا السجاير"
"على رأيك، اللى بيفتح بقه بيطلق عليه كلابه فى شوارع ومعرصينه على التلفزيون!"
"ما بلاش أم السيرة اللى تفوق ديه وشوفلنا رانيا أخرت ليه..."
"أهيه جت أهيه"
تدلف من باب الحانة الدوار فتاة فى منتصف العشرينات ذات جسم بض وشعر كيرلى تلتفح بكوفية المقاومة الفلسطينية وفى يدها علبة سجائر مستوردة رخيصة لا أعرف من أين تأتى بها، تسلم على كلينا وتقبلنا قبل أن تجلس طالبة ستلا هى الأخرى.
"كنتى فين كل ده؟"
"المخبرين مرشقين حوالين الحزب وعقبال ما خلصنا الاجتماع وفلتنا منهم أنا والرفاق"
ينظر لها عمرو ساخراً:
"لسه بتعملوا اجتماعات ومناقشات ملهاش لازمة!"
تنظر له فى حدة قائلة:
"ماهو لو كلنا فقدنا الأمل وقعدنا نتريق زيك يبقى محدش هيعمل حاجة وده اللى عايزين يوصلونا..."
أقاطعها فى ضجر:
أنا سمعت المناقشة ديه 100 مرة ومش طالبة أضيع الليلة فى المرة ال101" ثم ألتفت إلى الساق العجوز: "يا بطرس، نزل ربع براندى!"
يهتف عمرو: "إيه ده كريم جه كمان"
يدلف من الباب الدوار شاب أسمر ذو ذقن نامية وشعر طويل مربوط وراء رأسه حاملاً شنطة ظهر سوداء لا تفارقه لا تعرف ماذا يفعل بها، الطراز الذى تجده فى كل ركن فى وسط البلد سواء فى المقاهى أو الحانات الرخيصة أو البارات على أسطح الفنادق، وبالطبع ينتمى له بقيتنا إيضاً!
يجلس كريم معنا وينتظر أن يضع بطرس البراندى وجردل الثلج ليطلب منه بيرة مايستر، أقوم بفتح زجاجة البراندى وصب القليل منها مع الثلج وبعض البيرة.
البراندى... خمرة الشعب، منقوع براطيش بطعم السبرتو رخيص الثمن ولكن طعمه محتمل عند خلطه بالبيرة أو الكولا ولا  يسبب هانج أوفر قوى فى الصباح بل أنك تستيقظ شاعراً بأمتنان للتخلص من هذا السم من جسمك.
يسأل كريم فى سخرية:
"لسه بتشربوا الزفت ده؟"
"بقولك إيه إحنا فى أخر الشهر أعزمنا أنت على ويسكى بدل التناكة ديه!"
"يعنى فرقت، أهوه كله سبرتو!"
يقوم عمرو إلى الحمام ليفرغ مثانته من أطنان البيرة فى الوقت الذى يخرج كريم للرد على الموبيل ولا يتبقى سوى رانيا والبراندى وأنا
"عامل إيه فى الأمتحانات؟"
أجيب فى ضجر: "زى كل سنة كالعادة..."
"يابنى حرام عليك بقالك أربع سنين فى سنة تانية، هندسة صعبة بس مش كده!"
أنظر لها فى وجوم ولا أجيب ثم أرشف من كأس البراندى
"من ساعة ما عرفت سكة المظاهرات والثورة وأنت ساايب الكلية، فاهمة أسبابك بس مستقبل الثورة مبقاش واضح فحاول تخلص أنت... محمود الله يرحمه لو كان عايش مكنش هيبقى مبسوط وهو شايفك كده!"
أشيح بنظرى عنها وأصب كأساً أخر من البراندى مركزاً بلا بيرة وأشربه على جرعة واحدة وأقول دون أن أنظر لها:
"يومها دفننا محمود الصبح ونزلنا الضرب فى محمد محمود خمس ساعات، مكناش عايزين نرجع غير لما نحس إننا خدنا حقه أو نحصله" تنظر فى الأرض وتصب كأساً هى الأخرى وترشف منه قبل أن أتابع: "يومها وقعتى من الغاز والتعب، شيلتك وجينا هنا وطلبنا براندى، فضلنا نشرب ونسينا الضرب ومحمود والزمن كله ومفوقناش عير على سريرك تانى يوم..."
"كفاية!!!"
يرجع كريم فى هذة اللحظات ويسأل: "مالكم يا جدعان؟!، صوتكم جايب شارع شريف"
أرد بفتور: "مفيش" ثم أسأل محاولاً تغيير الموضوع: "سمعتوا أغنية يسرا الهوارى الجديدة؟"
يأتى عمرو حاملاً طبق من الفول النابت: "آه، ديه معايا هسمعهلكم"
يقول كريم فجأة:
"قبضوا على هند نعمان وأبراهيم الدالى"
يرد عمرو مصدوماً:
"ولاد الكلب!! مش مكفيهم اللى خدوه مننا!"
"بيفتحوا الملفات القديمة اليومين دول وأنا شايف نستخبى شوية لحد ما الدنيا تهدى..."
تصدر منهم همهمات ومختلفة فحين إن البراندى بدأ تأثيره علي فلم أدرى إلا وعمرو ورانيا قد أنصرفوا ولم يتبقى سوى أنا وكريم وأمامه زجاجة I.D.  بطيخ وزجاجة البراندى الفارغة.
"أحا، I.D.  إيه يا خول، الرجالة تشرب بيرة!"
"نزلنا نبحث عن الهوية فلم نجد سوى الI.D. "
أضحك شاخراً: "بطل أم العمق ده ونزلنا براندى ولا ويسكى!"
ينادى بطرس الذى ما زال يستمع للست التى  تعلن إن الموعد قد فات فلا داعى للمزيد من التعذيب والشقى:
"أزازة أولدستاج يا عم بطرس وجردل تلج بدل اللى ساح" ثم يلتفت إلي وأنا أشدو مع أم كلثوم فى نشوة "لسه زى ما أنت يا رفيق، تنسى الدنيا كلها لما ثومة تغنى"
"المصريين حبوا أم كلثوم أكتر من إى حد لدرجة أنهم سموها بأسم أمنا إيزيس وبقوا يقولوا عليها "إست" "
يضحك كريم بينما يضع عم بطرس زجاجة الويسكى الصغيرة بيننا وينصرف، يسألنى كريم وهو يصب كأس لكل منا:
"أصب عليه بيرة"
"وش!"
يضحك كريم ثم ينظر لى ويسأل:
"لسه ساكن مع صحابك فى جاردن سيتى؟"
أومئ له أن نعم وأنا ألصق لفافة التبغ بلسانى
"لسه مش ناوى ترجع البيت؟"
"أتكلمنا فى الموضوع ده بما فيه الكفاية!"
"طب حتى أسأل على أبوك!"
"عنده هو اللى وصلنا للطريق المسدود ده!"
أتركه وأذهب إلى الحمام لأفرغ معدتى، كل هذة الخمر الرديئة فى ليلة واحدة  مهلكة بالتأكيد، ثم أعود لأجد كريم قد دفع الحساب مع الكثير من البقشيش لبطرس، أنه كأغلب جيلنا فى أوائل العشرينات يعمل عمل مبهم لا أدرى كنهه لكنه يكفينا فى ليالى الخمر والدخان...
أجلس وأطلب من بطرس زجاجتى بيرة ثم ألتفت لكريم:
"كيف حالك مع صفية؟"
"لسه فى أم الفريندزون!"
تقدروا تخرجوا منها لو عايزين.."
"أنا عندى فير أوف كوميتمنت وهى مش عارفة تخلص من الدادى إيشوز اللى عندها"
"رجعنا لكلام الخولات تانى، هستعجلك البيرة عشان تسترجل"
يقهقه كريم بينما يضع بطرس زجاجتى الستلا وينصرف والست تحكى للنيل عن حبيبها وحبهما الذى لا مثيل له
"تفتكر لو حد من أيام المدرسة شافنا دلوقتى هيقول إيه؟!"
أضحك نذكر أيامنا كطفلين مثاليين من الطبقى الوسطى فى أحدى المدارس اللغات حيث كنا دائما من الأوائل ونذهب يوم الجمعة للنادى لنمارس رياضة ما، وكريم الذى كان متدينا ولا بدع أبداً دروس المسجد!
"آه كم تبدو ذكريات سحيقة!!"
"كل شئ حدث قبل 2011 يبدو أنه حدث فى حياة أخرى وفى زمن أخر، كل شئ: المدرسة، الأهلى، الثانوية، منّه، بداية الجامعة..."
نضحك فى تأثر ونجرع من البيرة بينما تدخل رانيا ثانية وتشير لكريم بطرف خفى أن يتركنا بعض الوقت فينصرف، ثم تقترب منى حتى تسند رأسها على كتفى وتسأل:
"وأخرتها؟"
أنظر لها نظرة خاوية وأواصل شرب البيرة المثلجة المهدئة للأعصاب والمثيرة لها فى نفس الوقت، وتكرر سؤالها فأجيب:
"أخرة إيه يا رانيا!، بتحبينى وبعدين؟ إيه اللى يخليكى ترتبطى بيا وأنا مش عارف أنا بعمل إيه فى الحياة، دراسة وفشلت، صحة وأدوية الأكتئاب فشختنى، لولا حبة الشغل اللى بيجوا كل شوية كان زمان الواحد مات من زمان... حتى الثورة اللى دفنا نفسنا فيها فشلت وما نبنا إلا العيال اللى ماتوا وأتسجنوا، أنا بقيت أطلال، شبح مش عارف أنا عايز إيه أو بعمل إيه!!"
تبكى رانيا بحرقة مع نهاية كلماتى ثم تسأل بين دموعها:
"أنت مش بتحبنى؟"
"حتى ديه مش عارفها، آه بستمتع بالليالى اللى بنخطفها بالزمن، لما بتبقى شفايفك على شفايفى بحس أنى شارب نبيذ متعتق من قبل التاريخ، لكن أنا مش عارفنى عشان أعرف إن كنت بحبك ولا لا..."
تنهار باكية فأطلب لها بيرة وأنام على فخذيها اللذين طالما وجدت الحياة بينهما وأشدو مع الست...
ثورة فاشلة وعلاقات أسرية متهتكة أدوا إلى ألحاد وفشل دراسى أوصلنا إلى حياة تعتمد على الخمر وأدوية الأكتئاب كى تستمر، اللعنة على البراندى... يذكرك بكل الذى تريد نسيانه!!
"لنذهب إلى المنزل لنكمل هذه الليلة الطويلة!"
نعم ولنصحو لنكمل الحياة الخاوية التى تسير فى العدم...
محمد أسامة
7/VI/2015

Friday, April 25, 2014

هانى أمين



لما حد يجيب سيرة دفعتى أتصالات 2014 بتتكون فى بالى تلقائياً صورة هانى أمين، كنت مستغرب الموضوع ده لغاية ما عرفت إنه مش أنا بس وإن كذا حد بتيجى فى باله صورة هانى لما يتقال أسم الدفعة بالرغم إن هانى شغال فى أنشطة كتير فى الكلية ماهاش دعوة بالدفعة...

أعرف هانى من أيام أعدادى ومش فاكر بالظبط عرفته إزاى، ودخلنا نفس القسم فى وقت كنت فيه أنطوائى شوية ورافض أندمج فى الدفعة وكان ليا أراء شاذة كتير وكان هو من الناس القليلة فى الدفعة اللى بيتعامل معايا بهدوء وتقبل لرأيى رغم عدم موافقته عليه وده من الحاجات اللى شددتنى فيه جداً ومن الأسباب اللى خلتنى أحب دفعتى وأندمج فيها.

كلنا نعرف حاجات كتير عن هانى زى أنه مؤدب مبيشتمش، راجل آد المسئولية اللى فيها، أحسن واحد يبقى مسئول عن تنظيم إيفنت، شال مسئولية الدفعة كمندوب كذا مرة لغاية تنظيم تخرجهم، شغله فى يوتبيا و IEEE، ثورجى، متدين، وأنه كان مسئول عن لم تبرعات وتنظيم الأضربات الكتير اللى عدت علينا -بسلمه كده أنا عارف D: - بس سيبونى أحكيلكم عن حبة من ذكريات مش ناسيها مع هانى...

أولى أتصالات

كنت فى سيكشن مدنية فى مبنى وأنتم عارفين أنا مليش فى المحاضرات والسكاشن والكلام ده فحضرت ربع ساعة ورحت قايم فالمعيد سألنى "ماشى ليه؟" فقلتله أنى تعبان شوية، وقشطة حوار وعدى لكن لقيت هانى بليل باعت بيسأل عليا وإن كنت خفيت ولا لسه، ساعتها أتفاجئت وقلت الولد ده يا طيب قوى يا hitting on me :D

دخل تويتر بسببى

لما الباشا فتحت فى محى الدين وكنت أقابل هانى هناك كل شوية عشان جنب بيته

تانية أتصالات أول مرة

أول يوم دراسة فى الترم التانى وهو بينظم لأضراب الدفعة عشان موافى فى محاضرة الأنسانيات فى مبنى ععمارة



يوم نادى الكتاب فى الحاكم بأمر الله لما كلنا فى زيزو وبابا عبده وسيتى درينك
يوم الفن الميدان فى رمضان 2011

تانية أتصالات تانى مرة

يوم ما كان بيكلم الدفعة عشان يكملوا الأضراب بتاع عمرو ربيع وقالى أفضل واقف معاه -من أحسن المواقف اللى فاكرها لهانى-

يوم نتيجة أتصالات، بالرغم أنى سقطت تانى بس كنا كلنا فرحانين أن هانى عدى، وسهرتنا يومها فى المعادى ورجوعنا بعد السحور

موقف تانى هحتفظ به


وقت ما كان عمر الله يرحمه فى المستشفى قبل ما يتوفى

تانية أتصالات تالت مرة

شغلنا فى مشروع تبع أسماعيل، كنت فرحان فعلاً عشان ديه أول مرة أشتغل مع هانى

الشغل اللى عملناه بعد موت رضا الله يرحمه وبعد الضرب والأشتباكات فى الكلية

اليوم اللى رحت أجيبله صورة خالد الخطيب ليلة الأمتحان

سفرية الأقصر وأسوان، واجتماعتنا لما تمتم أتقبض عليه

سهرتنا عند قسم عابدين مستنين تمتم ومشوار أبو زعبل تانى يوم الصبح عشان نجيبه

سفرية الفيوم اللى كان منظمهما وهو ويحيى زنوا عليا آد كده عشان أطلع واللى حصلى بسبب السفرية ديه D:

موقف عملته من شهر من غير ما أقصد وغاباً ضايقه بس فعلاً مكنش قصدى


غير مواقف تانية كتير بينى وبين هانى مش هقولها كلها وفيها حاجات مش للحكى أصلاً، دايماً أقول فيه أربعة فى الدفعة هزعل السنة الجاية لما ملقيهومش فى تحت عمارة هانى منهم، مش عارف إزاى ممكن أمشى فى مبنى أتصالات وملقيش هانى بضحكته بينادى "يا أوبّاما"، هانى أمين مش مجرد واحد صاحبنا، هانى هو تجربة حياتنا فى الكلية...

كل سنة وأنت طيب يا هانى وإن شاء الله تتخرج السنة دى وتدخل جيشنا العظيم اللى حمى الثورة D: وربنا يديم الصداقة والمودة اللى بنا :)))

Saturday, May 25, 2013

صورة الأله


منذ بداية التاريخ أقترن وجود الأنسان على الأرض بفكرة وجود كائن أعلى منه، جاء منه و يعود إليه بعد الموت، يتحكم فى ظروف الحياة حوله، كائن أقوى منه يستطيع أن يهلكه و يستوجب على الأنسان الخوف منه و التقرب إليه طلباً لرضاه
و بعقلية الأنسان البدائى كان لابد من الرمز للكائن أو الأله أو تجسيده فى كيان حتى يتمكن الأنسان من رسم صورة و خصائص للأله و نسج القصص و الأساطير حوله ليعرف الأنسان كيفية التقرب منه أو تجنب غضبه
و نجد أن فكرة الرمز للأله موجودة فى أغلب الديانات سواء الأديان القديمة مثل:
الديانات الأشورية: مثل أسطورة عشتار
الديانات المصرية القديمة: أسطورة إيزيس و أوزوريس و عبادة الحيوانات و رسم صور و تماثيل للألهة
مروراً بأغلب الديانات فى التاريخ مثل الأساطير الأغريقية التى حكت عن الألهة و نسجت عنهم الأساطير و صنعت لهم التماثيل و أقامت حولها المعابد
و فى ديانات موجودة حتى الأن مثل الهندوسية و البوذية
إلا أن هناك فكرة مختلفة ظهرت على يد أبراهيم عندما بدأ بالدعوة للأله مطلق لا أحد يراه و لا رمز له، كان من الطبيعى عدم قبول فكرة أبراهيم التى تخالف ما تعارف عليه البشر منذ زمن سحيق،  لذلك نجد أن دعوة أبراهيم أنتشرت بشكل رئيسى سلالته سواء فرع بنى أسرائيل أو فرع العرب
بالنسبة للأولى فقد تطورت دعوة أبراهيم و أصبحت اليهودية على يد موسىى و حافظت على فكرة عدم الرمز للأله –لست ملماً باليهودية بشكل كبير و لكن نذكر قصة السامرى الذى رمز للأله بعجل ذهبى فغضب موسى و رفض هذا الفعل- و أستمرت الدعوة فى بنى أسرائيل على هذا المنوال لعدة قرون
ثم جاءت المسيحية و تطورت من مجرد دعوة فى بنى أسرائيل لديانة عالمية فكان من الطبيعى عودة الرمز و تطوره، فكان الصليب الذى يرمز للأله و تضحيته من أجل البشر، و الخبز و الشراب فى القداس يرمز لجسد المسيح و دمه
و تطور الرمز عند الكاثوليك، فقد رمزوا للأب بصورة رجل كبير قوى البنية ذو لحية بيضاء و هى صورة أستخدمها الأغريق من قبل للرمز لكبير ألهتهم زيوس، و ساعد هذا الرمز أكثر فى تقريب المسيحية للطبيعة البشرية التى لا تقتنع إلا بالرمز
بالنسبة للفرع العربى من سلاسة أبراهيم الوضع كان مختلف عن بنى أسرائيل، فبعد أبراهيم و أبنه أسماعيل قلت الدعوة فى العرب –ربما توقفت- مما أدى إلى رجوع فكرة الرمز، فصنع العرب التماثيل التى قالوا عن بعضها أنها ألهه و بعضها الأخر ألهة تنتسب لله -الأله الذى دعى له أبراهيم- فكان لهم ألهم ألهة مثل اللات و العزى التين قيل أنهن بنات الله و أستمر الوضع هكذا حتى ظهر الأسلام الذى رفض فكرة الرمز للأله تماماً و حاربها
و ظهرت فكرة الرمز للأله على أستحياء بين بعض المسلمين فى القرون التى تلت ظهور الأسلام، فنجد بعض الفرق تحاول تخيل شكل الأله –بعضهم مثلاً قالوا أن له يد- و نجد فرق أخرى ترفض هذا الرمز و تعتبره خروج عن الدين
و مع ذلك فالأسلام ليس خالى من الرموز تماماً و لكنها ليست رموز للأله، فنجد الكعبة ترمز لبيت الله فى الأرض و القرآن يرمز لكلام الله للبشر، و هذه الرموز تتطور لرموز للأله فى النفس البشرية التى تميل بطبعها لرمز الأله، فنجد عند المسلمين العرب أن التطاول على القرآن أو الكعبة هو تطاول على الأله
فى النهاية، أيهما أفضل أن تعبد أله ترسم له صورة فى خيالك و ترمز له و تسحضره فى عقلك و أنت تصلى له، أم الفكرة التى دعى لها أبراهيم، فكرة الأله المطلق الذى لا رمز له الذى تشعر بوجوده حسب مدى أيمانك به؟!!
أعتقد أن كل واحد يرى أن الفكرة التى نشأ عليها هى الصحيحة و لديه تبريرات لصحتها و لخطأ الفكرة الأخرى، فلا داعى للأجابة...

Monday, February 11, 2013

أستقالة البابا بيندكت السادس عشر


أعلن اليوم البابا بنديكت السادس عشر -85 عاماً- بابا الفاتيكان نيته تقديم أستقاته من كرسى الباباوى بنهاية فبراير الجارى، و يعد البابا بنديكت أول بابا يستقيل منذ ستة قرون منذ أستقالة البابا جريجورى السابع فى عام 1415
فبالرغم من أن الباباوية أو منصب و مهمة مدى الحياة إلا أن قوانين الكنيسة الكاثوليكية أتاحت للبابا الأستقالة وقتما يشاء بشرط أعلانها و إلا يكون مجبر عليها
ولم تحدد القوانين الجهة التى يجب على البابا المستقيل تقديم أستقالته إليها تاركة له الحرية فى ذلك فربما يقدمها للكنيسة أو للعالم، و يجب أعلان مجلس الكرادلة بذلك حتى يستطيع الأجتماع و أنتخاب بابا جديد
من الأستقالات الباباوية الشهيرة، الأستقالة التى كتبها البابا بيوس السابع أيام الحروب النابليونية و أمر أن تفعل فى حالة القبض عليه من قبل الفرنسيين، نفس الشئ فعله البابا بيوس الثانى عشر أيام الحرب العالمية الثانية
و سينعقد مجمع الكرادلة فى مجمع أنتخابى فى أول مارس المقبل لأنتخاب بابا الجديد من بينهم، و يحق لكل الكرادلة دون الثمانين عاماً المشاركة فى هذا المجمع الذى سينعقد فى الكنيسة السيستينية فى القصر الرسولى بالفاتيكان
و من ضمن الكرادلة الذين يحق لهم الترشح للكرسى الباباوى الكاردينال المصرى أنطونيوس نجيب -79 عاماً- البطريرك السابق للأقباط الكاثوليك و لكن ليس من المنتظر ترشحه نظراً لظروفه الصحية التى جعلته يستقيل من منصب البطريرك منذ حوالى شهرين
الجدير بالذكر أن البابا بينديكت السادس عشر هو بطريرك الكنيسة الكاثوليكية و أسقف روما و خليفة القديس بطرس الرسول و يجلس على الكرسى الرسولى منذ أبريل 2005 بعد وفاة البابا يوحنا بولس الثانى

Tuesday, December 18, 2012

خواطر ما بعد السقوط


لما تشوف المدبلر يبقى النجاح خجل
تبقى عايز تقوله يا أخى أسف
طب قلى بس أعمل إيه لو يعنى فيها عمل
الريبورت ده لك نصيب فيه باشيلهولك
واشيل نصيبك من القعدة وكانات البيبسى
لكن نصيبك فى شيتاتى أشيله إزاى
وازاى أشيللك نصيبك من مشروعنا الجاى
ساعات ألاقينى بكتبلك غياب
و اروح على السكشن أسأل، هو جه و حضر
بعمل فى نفسى كده ليه، لسه مش عارف
من قال لك السقوط طبيعى يبقى مش فاهم
السقوط ده شىء مش طبيعى
السقوط ده أصله خلل
الأصل فينا النجاح
وهييجى يوم نلقاه